Jahor Šaranhovič dasiahnuŭ adznaki 100 šajbaŭ u NCHŁ. Jon — treci biełarus z takim rekordam
U ramkach rehularnaha čempijanatu Nacyjanalnaj chakiejnaj lihi «Kałhary Fłejmz» doma pieramoh «San-Chase Šarks» ź likam 5:2.
Jahor Šaranhovič. Fota: nhl.com
26-hadovy biełaruski forvard «ahieńčykaŭ» Jahor Šaranhovič aformiŭ dubl u pajadynku, piša «Biełaruski chakiej».
Dla jaho hetyja šajby stali 100-j i 101-j u karjery ŭ Nacyjanalnaj chakiejnaj lizie z ulikam rehularnych čempijanataŭ i płej-of.
Šaranhovič — treci biełaruski chakieist sa 100+ šajbami ŭ karjery NCHŁ. Bolš za jaho zakidali tolki Andrej Kaścicyn (117 hałoŭ u 447 matčach) i Michaił Hraboŭski (125 hałoŭ u 544 matčach).
U forvarda «Vašynhtona» Alaksiej Protasa, jaki vydatna pravodzić hety siezon, 43 šajby, pryčym 30 u hetym siezonie.