Jemien farmiruje suprać chusitaŭ armiju ŭ 80 000 čałaviek
Mižnarodna pryznany ŭrad Jemiena, jakomu akazvajuć padtrymku ZŠA, Saudaŭskaja Aravija i inšyja dziaržavy Piersidskaha zaliva, farmiruje bolš za 80 000 sałdat. Płanujecca maštabnaje nastupleńnie z metaj advajavać u chusitaŭ port Chadejda na zachodnim uźbiarežžy krainy, piša Bild.
Fota: Mohammed Hamoud/Getty Images
Heta budzie najbujniejšaja nastupalnaja apieracyja ŭ hramadzianskaj vajnie ŭ Jemienie z 2017 hoda. Jaje pośpiech dazvolić spynić terarystyčnyja napady na karabli, što prachodziać pablizu, a taksama stvoryć pieradumovy dla budučych dziejańniaŭ pa viartańni stalicy — horada Sany.
Jakuju rolu adyhrajuć ZŠA, saudaŭcy i inšyja krainy ŭ hetym nastupleńni, pakul niezrazumieła. Vajenna-pavietranyja siły ZŠA ŭžo akazvajuć padtrymku jiemienskim siłam praz raźviedvalnyja paloty nad terytoryjami, kantralavanymi chusitami.
Niadaŭnija ŭdary amierykanskich bieśpiłotnikaŭ i avijacyi pa pazicyjach terarystaŭ taksama mohuć być častkaj padrychtoŭki da nastupu.