Rybaka ŭ Brasłaŭskim rajonie ŭdaryła tokam z apiokami 80% cieła
Mužčyna padčas rybnaj łoŭli ŭ Brasłaŭskim rajonie zakranuŭ vudaj elektrapravady, paviedamlaje pres-słužba Śledčaha kamiteta.
Skrynšot ź videa
Nadzvyčajnaje zdareńnie adbyłosia siońnia dniom na race Prorva. Kampanija z troch čałaviek łaviła rybu. U peŭny momant, nie składajučy 8-mietrovuju vudu, 47-hadovy mužčyna staŭ mianiać miesca łoŭli, i heta skončyłasia trahiedyjaj.
Pa darozie jon začapiŭ snaściu pravady linii elektrapieradač i atrymaŭ mocny ŭdar tokam. Vudu razarvała, a na mužčynu zaharełasia adzieńnie.
Vidavočcy patušyli ŭzharańnie i vyklikali chutkuju dapamohu. Paciarpiełaha špitalizavali z 80% apiokaŭ cieła.
Ustanoŭlena, što mužčyna praihnaravaŭ papieradžalny znak ab vysakavoltnym napružańni, jaki byŭ na miescy rybałki.