Polšča pastavić na miažy ź Biełaruśsiu 70-mietrovyja vyški
Piać naziralnych vyšak vyšynioj pa 70 mietraŭ pastaviać na polska-biełaruskaj miažy ŭ dadatak da najaŭnaha elektronnaha barjera, zajaviŭ u intervju ahienctvu RAR pres-sakratar Pamiežnaj słužby Polščy Andžej Južviak.
Na miažy Polščy i Biełarusi. Fota: Ansgar Haase picture alliance via Getty Images
Pavodle słoŭ čynoŭnika, mantaž zbudavańniaŭ u Padlašskim vajavodstvie kala rek Śvisłač i Krynička praciahniecca da śniežnia hetaha hoda. Košt prajekta składaje kala 47 miljonaŭ złotych (kala 11,75 miljona dalaraŭ).
Na 70-mietrovych vyškach pastaviać sučasnyja optyka-elektronnyja prybory nazirańnia i roznyja typy kamier, praduhledžana taksama načnoje aśviatleńnie miascovaści pad achovaj.
«Vybaru hetych miescaŭ papiaredničaŭ skrupulozny analiz, padčas jakoha ŭličvalisia ŭ tym liku ŭmovy reljefu miascovaści, pravavy status abjekta, patencyjnaja dalokaść nazirańnia i raźmiaščeńnie vyšak u dačynieńni adna da adnoj takim čynam, kab achapić videanazirańniem maksimalnuju terytoryju», — skazaŭ Andžej Juźviak.
Jon taksama adznačyŭ, što druhaja zapłanavanaja na polska-biełaruskaj miažy častka rabot — rekanstrukcyja techničnaj darohi, jakaja prachodzić uzdoŭž stalovaha płota. Jaje źbirajucca zaasfaltavać.
Čytajcie taksama:
MUS Polščy čakaje novych pravakacyj na miažy ź Biełaruśsiu
Polšča płanuje skončyć umacavańnie miažy ź Biełaruśsiu da leta 2025 hoda
Polskija pamiežniki vyłavili cieły dvuch mužčyn u Buhu
Mihranty atakavali polskich pamiežnikaŭ. Siarod napadnikaŭ byŭ čałaviek u biełaruskaj formie