Bačyš zajčania? Nie padbiraj!

Zajčaniaty naradžajucca z rańniaj viasny i da poźniaj vosieni. Ludzi, byvaje, znachodziać ich u travie i, kab «vyratavać», časta zabirajuć dadomu. Ale tak rabić ni ŭ jakim razie nielha, piša telehram-kanał «Dzikaja pryroda pobač».

Zajčania zajca-rusaka. Fota: Viktar Pietračenka / Wikimedia Commons

Zajčycha znachodzić i kormić svaich małych vielmi tłustym małakom raz na niekalki dzion. Kali sustrenie čužych zajčaniat takoha ž uzrostu — taksama ich pakormić. Praz 2 tydni małyja žyvioliny pačynajuć sami skubać travu, a va ŭzroście 3-4 tydni robiacca całkam samastojnymi.

Kali znojdziecie zajčania, to najlepšaje, što možna tut zrabić — cicha z taho miesca pajści. Nie čapajcie jaho, bo pakiniecie svoj pach, jaki moža pryciahnuć da źviarka drapiežnikaŭ. U zajcoŭ, darečy, potavyja załozy jość tolki na padešvach, tamu sami jany nie pachnuć, kali nie ruchajucca.

Kali ž niechta ŭsio ž padabraŭ zajčania, to parajcie viarnuć jaho jak maha chutčej prykładna ŭ toje ž miesca. I pamiatajcie: za niesankcyjanavanaje zabirańnie dzikich źviaroŭ z pryrody praduhledžana adkaznaść.

Kamientary da artykuła