Zorka filma «Źmiarkańnia» ažaniłasia z žančynaj
Aktrysa Krysten Ściuart i jaje niaviesta Dyłan Mejer aficyjna stali žonkami. Para pabrałasia šlubam u niadzielu, 20 krasavika, u svaim domie ŭ Łos-Andželesie.
Krysten Ściuart i Dyłan Mejer. Fota: Emma McIntyre / Getty Images
Siarod haściej byli blizkija siabry, uklučajučy Ešli Bensan i jaje muža Brendana Devisa, piša Daily Mail.
Ściuart i Mejer pačali sustrakacca ŭ 2019 hodzie, choć paznajomilisia jašče ŭ 2013-m na zdymkach filma. U 2021 hodzie jany abviaścili pra zaručyny, pryčym inicyjatyva pa prapanovie ruki i serca naležała Dyłan. Krysten pryznałasia, što chacieła, kab joj zrabili prapanovu, i Dyłan «vydatna spraviłasia» z hetaj zadačaj.
U minułym hodzie Ściuart vykazvała žadańnie pravieści viasielle bieź lišniaj pampieznaści, i, jak bačna, asabistaja cyrymonija adpaviadała jaje pieravaham.
Para viadomaja svajoj ścipłaściu ŭ asabistym žyćci, choć čas ad času dzialiłasia kranalnymi momantami ŭ sacyjalnych sietkach.