U Kryčaŭskim rajonie mužčyna spalvaŭ śmiećcie i spaliŭ čužy dom
Zdareńnie adbyłosia ŭ paniadziełak u vioscy Chaciłovičy.
Fota: MNS
Zvyčajnaja pryborka śmiećcia na terytoryi adnaho ź miascovych padvorkaŭ skončyłasia biadoj: zhareŭ draŭlany dom, piša MNS.
Kali pažarnyja prybyli na miesca nadzvyčajnaha zdareńnia, dom užo hareŭ adkrytym połymiem. Na ščaście, u toj momant unutry nikoha nie było. Pavodle słoŭ susiedziaŭ, u domie pražyvaŭ 32-hadovy znajomy haspadara.
Jak vyśvietliłasia krychu paźniej, mužčyna vyrašyŭ navieści paradak na dvary i spalić śmiećcie, ale, vidać, nastolki zachapiŭsia, što nie zaŭvažyŭ, jak ahoń pierakinuŭsia na travu. Miascovyja žychary sprabavali spynić viaskoŭca, ale toj praihnaravaŭ zaŭvahi i praciahnuŭ prybirać śmiećcie.
U vyniku ahoń dabraŭsia da žylla, źniščyŭ dach, paškodziŭ pierakryćci, majomaść i ŭnutranaje azdableńnie doma. Akramia taho, połymia pierakinułasia na chleŭ, jaki taksama zhareŭ daščentu.