Cichanoŭskaja ŭpieršyniu voźmie ŭdzieł u samicie Trochmorja
Samit «Inicyjatyva troch moraŭ» sioleta projdzie ŭ Varšavie 28—29 krasavika.
Fota: Jaap Arriens NurPhoto via Getty Images
Lidarka demakratyčnych sił Biełarusi Śviatłana Cichanoŭskaja sioleta taksama zaprošanaja. Jana budzie ŭdzielničać u hetym samicie ŭpieršyniu.
«Inicyjatyva troch moraŭ» isnuje z 2015 hoda. Heta palityčnaja i biznes-płatforma, jakaja spryjaje palapšeńniu adnosin u transpartnaj, enierhietyčnaj i ličbavaj śfierach. Jana abjadnoŭvaje 13 krain Jeŭrapiejskaha Sajuza, raźmieščanych pamiž Adryjatyčnym, Bałtyjskim i Čornym morami. Heta Aŭstryja, Bałharyja, Estonija, Charvatyja, Hrecyja, Litva, Łatvija, Polšča, Rumynija, Słavakija, Słavienija, Čechija i Vienhryja. Stratehičnyja partniory inicyjatyvy — ZŠA, Hiermanija, Jeŭrapiejskaja kamisija i Japonija. Rehijanalnymi partniorami źjaŭlajucca Ukraina i Małdova.