ZŠA zaŭtra prapanujuć Ukrainie i Jeŭropie pryznać Krym rasijskim — The Washington Post

Ukrainskija i jeŭrapiejskija čynoŭniki, jakija pryjeduć u sieradu na pieramovy ŭ Łondan, sutyknucca ź ciskam ZŠA z metaj dabicca pryznańnia anieksii Kryma Rasijaj i zamarožvańnia linii frontu ŭ ramkach mirnaha pahadnieńnia. Pra heta piša The Washington Post na padstavie śviedčańniaŭ niekalkich krynic, znajomych z unutranymi abmierkavańniami.

Prezident ZŠA Donald Tramp. Fota: Joe Raedle / Getty Images

Pavodle śviedčańnia troch asob, znajomych z prapanovami ZŠA, pradstaŭlenych Ukrainie ŭ Paryžy na minułym tydni, jany ŭklučajuć u siabie aficyjnaje pryznańnie Kryma rasijskaj terytoryjaj i pastupovaje źniaćcie sankcyj suprać Rasii pa budučaj damovie. Uzamien Maskva pavinna spynić bajavyja dziejańni va Ukrainie ŭ toj momant, kali jana maje pieravahu ŭ siłach i ŭzbrajeńni.

Pradstaŭnik prezidenta Ukrainy Uładzimira Zialenskaha zajaviŭ, što ŭ prapanovach ZŠA jość jak takija idei, ź jakimi Kijeŭ zhodny, tak i takija, jakija dla jaho nieprymalnyja. Ale adzin zachodni čynoŭnik nazvaŭ cisk, jaki akazvajecca na Ukrainu, «ašałamlalnym». 

Čynoŭnik Dziarždepartamienta ZŠA, praŭda, nie paćviardžaje taho, što Vašynhton naviazvaje Kijevu hatovuju damovu, ale ŭsio bolš publičnaje niezadavoleńnie administracyi Trampa tempami pieramoŭ vyklikaje ŭ Kijeva tryvohu adnosna mahčymaha paharšeńnia adnosin z ZŠA. Pa miery taho jak pieramovy nabirajuć temp, pradstaŭniki ZŠA pahražajuć vyjści ź ich u najbližejšyja dni, i cisk na Kijeŭ uzrastaje.

Francuzskija, brytanskija i niamieckija pieramoŭščyki, jakija aktyŭna ŭdzielničajuć u pracesie, buduć damahacca ŭklučeńnia u damovu harantyj biaśpieki dla Ukrainy i prahram jaje paślavajennaha adnaŭleńnia. Častkova heta moža być finansavana za košt zamarožanych rasijskich aktyvaŭ.

Jeŭrapiejskija i navat ukrainskija čynoŭniki pryznajuć, što Kijeŭ naŭrad ci zmoža nieŭzabavie viarnuć terytoryi, kantralavanyja Rasijaj. Maksimum, na što jany spadziajucca — heta strymać sproby zafiksavać zachoplenyja ziemli za Rasiju i vyzvalić apošniuju ad sankcyj bieź istotnych vyhod dla Ukrainy.

«Jość niebiaśpieka, što Tramp sprabuje prymusić ukraincaŭ pajści na sastupki i nie dziejničaje dastatkova žorstka ŭ dačynieńni da Rasii, — skazaŭ Mudžtaba Rachman, dyrektar Eurasia Group. — Asnoŭnaje pytańnie ciapier — što atrymaje Ukraina ŭzamien za častkovuju stratu svajoj terytoryi?»

Prapanovy byli pradstaŭleny ŭ Paryžy na minułym tydni i, pa słovach dźviuch asob, Kijeŭ uspryniaŭ ich jak apošniuju prapanovu Vašynhtona pierad mahčymym vychadam ZŠA ź mirnaha pracesu.

Praŭda, u apošni čas atrymali mahčymaść upłyvać na chod pieramoŭ jeŭrapiejskija lidary. I ŭ Jeŭropy jość ryčahi ŭpłyvu: miljardy zamarožanych rasijskich aktyvaŭ, jakija mohuć być vykarystanyja dla finansavańnia adnaŭleńnia. Jeŭrasajuz taksama moža ŭzmacnić sankcyi suprać Rasii praz kaardynavanuju palityku.

«U jeŭrapiejcaŭ jość realnyja kazyry, — adznačyŭ Rachman. — Kali Rasija atrymaje źniaćcie sankcyj tolki z boku ZŠA, bieź ES — heta nie daść joj vialikich ekanamičnych vyhod».

Kamientary da artykuła