Rasijanie atakavali Adesu dronami: paškodžana infrastruktura, jość paciarpiełyja
U noč na 23 krasavika rasijskija vojski ździejśnili čarhovuju ataku ŭdarnymi bieśpiłotnikami pa Adesie. U vyniku ŭdaru paciarpieli hramadzianskija abjekty ŭ pryharadzie Adesy, uźnikli pažary, jość paciarpiełyja, piša «Ukrainskaja praŭda».
Pavodle słoŭ kiraŭnika vajennaj administracyi Aleha Kipiera, varožyja drony paškodzili abjekty hramadzianskaj infrastruktury ŭ pryharadzie Adesy. U vyniku ŭdaru ŭspychnuła šerah pažaraŭ.
«Pavodle papiaredniaj infarmacyi, u vyniku rasijskaj ataki ŭdarnymi bieśpiłotnikami paciarpieli dźvie asoby», — skazaŭ jon.
Paźniej u DSNS paviedamili, što ŭ vyniku čarhovaj rasijskaj ataki paškodžana hramadzianskaja infrastruktura, uzharańni adbylisia ŭ žyłych damach, budynkach pryvatnych pradpryjemstvaŭ.