«Hrošy pieraviazuć na inkasatarskaj mašynie»: žycharka Mahilova addała 18 tysiač «inviestaram»
28-hadovaja žycharka Mahilova stała achviaraj machlaroŭ, jakija prapanavali joj navučańnie handlu na kryptabiržy. Za dva miesiacy žančyna pieraličyła ašukancam bolš za 18 tysiač rubloŭ.
U Kastryčnicki RAUS Mahilova źviarnułasia žančyna, jakaja raspaviała, što da jaje ŭ miesiendžary patelefanavaŭ nieznajomy čałaviek i prapanavaŭ navučańnie handlu na kryptabiržy. Jana zhadziłasia, atrymała navučalnyja materyjały i padpisała dakumienty, jakija nazyvalisia «dahavoram ab inviestavańni i supravadžeńni».
Pavodle instrukcyj kurataraŭ, žančyna ździajśniała bujnyja hrašovyja pieravody. Praź niekatory čas jana vyrašyła vyvieści prybytak. Kuratary paabiacali, što hrošy pryviazie inkasatarskaja mašyna.
Paźniej joj paviedamili, što padčas pieradačy kodavoha słova kiroŭcu adbyłasia pamyłka, i kab adnavić praces, nieabchodna zapłacić jašče tysiaču dołaraŭ.
Tolki paśla hetaha jana zrazumieła, što maje spravu z machlarami. Za dva miesiacy žančyna pieraličyła im bolš za 18 tysiač biełaruskich rubloŭ.
Pa fakcie machlarstva zaviedziena kryminalnaja sprava.