Džej Dzi Vens: I Ukraina, i Rasija pavinny buduć admovicca ad niekatorych terytoryj, jakija jany ciapier kantralujuć
Vice-prezident ZŠA Džej Dzi Vens zajaviŭ, što ZŠA prapanavali Rasii i Ukrainie mirnaje pahadnieńnie, jakoje praduhledžvaje abmien niekatorymi terytoryjami i zamarožvańnie kanfliktu pryblizna pa ciapierašnich linijach sudakranańnia, piša Bloomberg.
Džej Dzi Vens. Fota: Kent Nishimura / Getty Images
Jon zajaviŭ, što i Ukraina, i Rasija pavinny buduć admovicca ad niekatorych terytoryj, jakija jany ŭ ciapierašni čas kantralujuć: «Daviadziecca pravieści peŭnyja terytaryjalnyja abmieny».
Pavodle jaho słoŭ, u vyniku linija raźmiežavańnia, vierahodna, nie budzie dakładna supadać ź linijaj frontu, jakaja skłałasia ciapier: «Ciapierašnija linii, niedzie pobač ź imi, — voś dzie ŭrešcie, ja dumaju, buduć prachodzić novyja linii kanfliktu».
Džej Dzi Vens dadaŭ, što ZŠA zrabili Rasii i Ukrainie «vielmi vyraznuju prapanovu» adnosna šlachu da mirnaha pahadnieńnia, dadaŭšy, što «nastupiŭ momant, kali jany pavinny albo skazać «tak», albo Złučanyja Štaty pavinny vyjści z hetaha pracesu».
Čytajcie taksama:
Pieramovy pa Ukrainie ŭ Łondanie skasavali
ZŠA zaŭtra prapanujuć Ukrainie i Jeŭropie pryznać Krym rasijskim — The Washington Post