Sikorski: Niezaležnaść Biełarusi zaležyć ad vyniku vajny
Vynik rasijska-ŭkrainskaj vajny «vyznačyć uzrovień biaśpieki ŭ našym rehijonie na doŭhija hady napierad», zajaviŭ ministr zamiežnych spraŭ Polščy Radasłaŭ Sikorski, vystupajučy 23 krasavika ŭ Siejmie sa štohadovym dakładam ab zadačach zamiežnaj palityki.
Radasłaŭ Sikorski. Fota: Omar Havana/Getty Images
Pavodle słoŭ Radasłava Sikorskaha, cytavanych telekanałam tvn24, ad vynikaŭ kanfliktu «budzie zaležać, ci skocicca, naprykład, Biełaruś kančatkova ŭ «ruski śviet» ci joj udasca abaranić reštki svajoj niezaležnaści». Taksama vynik vajny «stanie punktam adliku dla jeŭrapiejskich pamknieńniaŭ Małdovy, Hruzii i Armienii».
Ministr zamiežnych spraŭ Polščy padkreśliŭ, što
«miežy Polščy, NATA, Jeŭrasajuza i Šenhienskaj zony nieabchodna abaraniać nie tolki ad vojska Pucina, ale i ad nielehalnaj mihracyi, jakaja źjaŭlajecca častkaj hibrydnaj vajny dyktataraŭ Rasii i Biełarusi».
Čytajcie taksama:
Kiraŭnik MZS Polščy abmiarkoŭvaŭ u Vašynhtonie vyzvaleńnie žurnalista Andžeja Pačobuta
«Kłasika savieckaj dypłamatyi» — Sikorski pryhoža padšpiliŭ Zacharavu
Radasłaŭ Sikorski pryvioz na źjezd kansiervataraŭ u ZŠA źbity ŭkraincami rasijski šachied