Barysaŭskaja vakalistka ličyć, što 1000 rubloŭ — dobry zarobak dla maładoha śpiecyjalista. Ź joj mnohija nie pahadzilisia
Vakalistka Barysaŭskaha pałaca kultury Alena Astroŭskaja zajaviła ŭ tyktoku pra toje, što 1000 rubloŭ — heta dobry zarobak dla maładoha śpiecyjalista, zaŭvažyła Ex-press.live.
Skrynšot ź videa
«Pracadaŭca nie moža dać dobry zarobak avansam», — śćviardžaje Alena Astroŭskaja. Jana ŭzhadała, što ŭ jaje, maładoj miedsiastry ŭ SSSR, zarobak byŭ 72 rubli.
«Vy dumajecie, heta było šmat? Vy dumajecie, my krucili nosam i ličyli, što my nie vartyja takoj zarpłaty? Nie. My išli i pracavali. My razumieli, što ŭsio pryjdzie paźniej», — śćviardžaje jana.
U kamientarach mierkavańni padzialilisia. Častka karystalnikaŭ pahadziłasia z tym, što dobry zarobak treba zarabić. Adnak byli i piarečańni.
«Maja dačka, małady śpiecyjalist, zdymaje žyllo za 800 rubloŭ. šmat joj zastaniecca z 1000 rubloŭ?» — pytajecca žančyna.
«Ja prašu prabačeńnia, a jak doŭha ŭsie ŭsio buduć paraŭnoŭvać z SSSR? Davajcie z XVIII stahodździem budziem paraŭnoŭvać, kali pryhonnaje prava jašče było ŭ sile», — zadajecca pytańniem dziaŭčyna.
«Brydka vas słuchać. Z takimi cenami 1000 rubloŭ — heta nadhaładź. A jak zavodzić siamju. A kolki kaštavali chleb, butelka małaka tady i ciapier! Što vy niesiacie. Heta zusim čužy śviet… i na našu ziamlu», — piša karystalnik.
«Davajcie tady lhoty maładym śpiecyjalistam na žyllo, pradukty, prajezd. A to ceny dla ŭsich adnolkavyja, a zarobak u maładoha śpiecyjalista 1000 rubloŭ», — dadaje jašče adzin karystalnik.
Čytajcie taksama:
Kolki hod spatrebicca pracavać minčuku ź miedyjannym zarobkam, kab kupić «dvušku» ŭ panelcy
«Žonka hatuje sabie, ja — sabie». Pary raskazali, jak dzielać biudžet 50 na 50