Hrodzienskaha studenta buduć sudzić za paviedamleńni ŭ «Biełaruski Hajun»
Studenta Hrodzienskaha dziaržaŭnaha elektratechničnaha kaledža buduć sudzić za paviedamleńni, adpraŭlenyja manitorynhavamu prajektu «Biełaruski Hajun», piša telehram-kanał «Pravo imiejut» sa spasyłkaj na apublikavanyja niadaŭna materyjały dla ideałahičnaj raboty na sajcie Lidskaha rajvykankama.
Kryminalnuju spravu adnosna studenta 2005 hoda naradžeńnia zaviali 3 sakavika. Jak skazana ŭ publikacyi, chłopiec adpraŭlaŭ paviedamleńni ŭ čat «Biełaruskaha Hajuna» z 2022 hoda. Jaho abvinavačvajuć pa artykule ab sadziejničańni «ekstremisckaj dziejnaści» (častki 1 i 2 artykuła 361-4 KK).
U lutym 2025 hoda stała viadoma pra toje, što nieviadomyja atrymali dostup da čatu manitorynhavaha prajekta «Biełaruski Hajun». Paśla hetaha prajekt spyniŭ pracu, a pravaabaroncy paviedamlali pra niekalki zatrymańniaŭ.
Čytajcie taksama:
U 44 hady pamior palitviazień z Bychava
Ściapan Puciła: Zdajecca, Pratasievič robić navat krychu bolš, čym ad jaho patrabavałasia