Rubia: ZŠA pakazali «finišnuju pramuju» dla dasiahnieńnia miru
«Nam treba, kab jany (Ukraina i Rasija) abiedźvie skazali «tak», — skazaŭ dziaržsakratar ZŠA.
Marka Rubia. Fota: Win McNamee / Getty Images
Dziaržaŭny sakratar ZŠA Marka Rubia zajaviŭ, što administracyja prezidenta Donalda Trampa pakazała Ukrainie i Rasii šlach da miru i jak pavinna vyhladać «finišnaja pramaja» adnosna hetaha pytańnia. Pra heta jon zajaviŭ padčas sustrečy prezidenta ZŠA i premjer-ministra Narviehii ŭ Avalnym kabiniecie, kali Tramp paprasiŭ jaho prakamientavać situacyju adnosna pieramovaŭ, piša «Ukrinfarm».
«Najpierš, našym partnioram byli prapanavanyja varyjanty dla abmierkavańnia rečaŭ, jakija spatrebiacca dla spynieńnia vajny. Hetuju vajnu možna skončyć. Z hetym pavinny pahadzicca abodva baki. My pakazali im šlach napierad».
Dziaržsakratar adznačyŭ, što adbylisia abmierkavańni hetych idej.
«Učora była dobraja sustreča. Na vychodnych adbuducca dobryja sustrečy. My pakazali im finišnuju pramuju. Nam treba, kab jany (Ukraina i Rasija) abiedźvie skazali «tak», — skazaŭ jon.
Rubia taksama prakamientavaŭ rakietny ŭdar RF pa Kijevie, nazvaŭšy heta napaminam dla ŭsich, čamu hetuju vajnu treba skončyć.
Čytajcie taksama:
Tramp zaklikaŭ Pucina spynicca
Vialikabrytanija moža admovicca ad adpraŭki miratvorcaŭ va Ukrainu z-za ryzyki vajny z Rasijaj
«Kali hramadstvy rychtujuć da vialikaj vajny, to ekspłuatujuć i bojaź jaje»