Ukraina rychtujecca da spynieńnia padtrymki z boku ZŠA — Bild
U kiraŭnictvie Ukrainy raście rasčaravańnie ŭ suviazi z prapanavanym Vašynhtonam płanam mirnaha ŭrehulavańnia.
Uładzimir Zialenski i hałoŭnakamandujučy USU Alaksandr Syrski (sprava). Fota: fejsbuk Uładzimira Zialenskaha.
Kijeŭ rychtujecca da mahčymaj admovy Złučanych Štataŭ ad dalejšaj padtrymki. Pra heta paviedamlaje Bild, spasyłajučysia na krynicu va ŭradzie Ukrainy. «My rychtujemsia da najhoršaha scenara. A mienavita — da spynieńnia padtrymki z boku ZŠA», — pryvodzić vydańnie słovy surazmoŭcy.
Čynoŭnik na ŭmovach ananimnaści taksama raspavioŭ, što ŭ kiraŭnictvie Ukrainy raście rasčaravańnie ŭ suviazi z prapanavanym Vašynhtonam płanam mirnaha ŭrehulavańnia, a taksama adsutnaściu cisku z boku prezidenta ZŠA Donalda Trampa na Uładzimira Pucina i niežadańniem amierykanskaha boku ŭzmacniać sankcyi suprać Rasii.
«My spadziavalisia, što heta była ŭsiaho tolki jaho pieramoŭnaja taktyka. Ale jon nie ciśnie na Pucina, nie ŭvodzić nijakich sankcyj i navat nie vykazvaje publičnaha abureńnia z nahody žorstkich atak na mirnych hramadzian Ukrainy», — patłumačyła krynica.
Surazmoŭca Bild padkreśliŭ, što prapanavanyja ZŠA ŭmovy mirnaha pahadnieńnia nie adpaviadajuć intaresam Ukrainy.
«Toje, što zafiksavana na papiery, i toje, pra što nam sihnalizujuć na pieramovach — nieprymalna. My nie zdamosia prosta tak. Navat kali b urad chacieŭ pajści na heta, a heta nie tak, narod vystupiŭ by suprać», — dadaŭ surazmoŭca vydańnia.
Čytajcie taksama:
Rubia: ZŠA pakazali «finišnuju pramuju» dla dasiahnieńnia miru
Tramp zaklikaŭ Pucina spynicca
«Kali hramadstvy rychtujuć da vialikaj vajny, to ekspłuatujuć i bojaź jaje»