Siaredni zarobak čynoŭnikaŭ na 20,9% pieravyšaje siarednija zarobki pa krainie

U dziaržaŭnym kiravańni siaredni zarobak składaje 3145 rubloŭ.

Fota: Homielskaja praŭda

Siaredni zarobak pa vidu dziejnaści «dziaržaŭnaje kiravańnie» na 20,9% pieravyšaje siarednija zarobki pa krainie, vynikaje sa śviežych danych Biełstata, zaŭvažyŭ Reform.news.

Siaredni zarobak biudžetnikaŭ «brudnymi» ŭ sakaviku vyrasła na 2,6% u paraŭnańni ź lutym, abo na 50,5 rubla, i skłaŭ 1990,5 rubla da vypłaty padatkaŭ. Realny siaredni zarobak u studzieni-sakaviku 2025 hoda ŭ biudžetnym siektary pavialičyŭsia na 12,7% u paraŭnańni z anałahičnym pieryjadam minułaha hoda.

U sakaviku suadnosiny zarpłaty ŭ biudžetnych arhanizacyjach i siaredniaj pa krainie skłali 76,5%.

Sakavicki siaredni zarobak u biudžetnikaŭ skłaŭ:

u dziaržaŭnym kiravańni — 3145 rubloŭ (+85,5 rubla da papiaredniaha miesiaca),

u nastaŭnikaŭ — 2484,7 rubla (+14,1 rubla),

u vychavalnikaŭ daškolnaj adukacyi — 1716,9 rubla (+45,2 rubla),

u prafiesarska-vykładčyckaha składu — 2966,4 rubla (+86,9 rubla),

u daktaroŭ — 3905,3 rubla (+133,2 rubla),

u siaredniaha miedycynskaha piersanału — 1985,8 rubla (+102,6 rubla).

Kamientary da artykuła