Administratara darožnych vajbier-čataŭ zatrymali ŭ Rečycy. Mahčyma, za pieradaču zdymkaŭ z rasijskaj vajskovaj technikaj
Adzin z administrataraŭ vajbier-čataŭ pra darožnuju situacyju ŭ Rečycy i Homieli byŭ zatrymany siłavikami naprykancy sakavika, ale pra heta stała viadoma tolki zaraz vydańniu «Fłahštok».
Zatrymany — Alaksandr Hardziejénka. Pavodle infarmacyi krynicy, jon pracavaŭ na PA «Biełarusnafta».
«HUBAZiK zabiraŭ z domu žorstka. Šyjuć 361-y artykuł za fota rasijskaj techniki, źniatyja jašče ŭ 2022 hodzie», — paviedamiła krynica.
Akramia taho, krynica miarkuje, što zatrymańnie moža być źviazana ź pierasyłkaj fotazdymkaŭ rasijskaj vajskovaj techniki, jakaja ruchałasia na zachop Ukrainy, manitorynhavamu prajektu «Biełaruski Hajun». Imavierna, havorka idzie pra artykuł 361-4 «Sadziejničańnie ekstremisckaj dziejnaści», pa jakim praduhledžany termin ad dvuch da šaści hadoŭ pazbaŭleńnia voli.