Padletak atrymaŭ traŭmu i psichičnaje rasstrojstva, admoviŭšysia pakuryć. Heta stała viadoma praz 11 hadoŭ

Historyja, pra jakuju raskazali ŭ prakuratury Homielskaj vobłaści, adbyłasia ŭ Śvietłahorskim rajonie ažno ŭ mai 2014 hoda. Adnak tolki ciapier vyśvietliłasia, jak na siońniašni dzień užo 27-hadovy chłopiec atrymaŭ traŭmu hałavy.

Fota ilustracyjnaje

11 hadoŭ tamu padletak byŭ u kampanii, dzie jahony znajomy prapanavaŭ jamu zakuryć. Paśla atrymańnia admovy toj udaryŭ chłopca pa hałavie.

Praź niekalki dzion stan paciarpiełaha pahoršyŭsia. U balnicy jamu dyjahnastavali čerapna-mazhavuju traŭmu i zrabili apieracyju.

Milicejskaja pravierka tady nie vyjaviła składu złačynstva ŭ tym, što adbyłosia, a sam chłopiec zapeŭnivaŭ, što prosta ŭpaŭ. I tolki praz 10 hadoŭ jon pryznaŭsia maci, što traŭmu jamu pryčyniŭ znajomy. Žančyna pajšła ŭ milicyju.

U suviazi z nanoŭ adkrytymi abstavinami raspačali kryminalnuju spravu. Vyśvietliłasia, što chłopiec ciapier pakutuje na psichičnaje rasstrojstva mienavita praz udar pa hałavie.

Adbyŭsia sud. Abvinavačany atrymaŭ try hady «chatniaj chimii». Jon taksama pavinien vypłacić paciarpiełamu 15 tysiač rubloŭ.

Kamientary da artykuła