«Naftan» praciahvaje pracavać z hihanckimi stratami
U studzieni—lutym 2025 hoda na Viciebščynie ŭ cełym situacyja z čystym prybytkam arhanizacyj zastajecca admoŭnaj — sukupny straty pa vobłaści skłali 64,2 młn rubloŭ. Na hetuju statystyku źviarnuŭ uvahu telehram-kanał «Viciebsk, ja hulaju».
Pry hetym u niekatorych haradach i rajonach Viciebskaj vobłaści straty praciahvajuć raści: Navapołack: minus 294,3 młn rubloŭ; Biešankovicki rajon: minus 0,5 młn rubloŭ; Šumilinski rajon: minus 0,4 młn rubloŭ.
U Miorskim rajonie ź jaho mietałurhičnym zavodam pa vynikach studzienia—lutaha 2025 hoda źjaviŭsia nievialiki plus (6,5 młn rubloŭ) suprać strat hod tamu, a ŭ šerahu inšych rajonaŭ rost prybytku adbyŭsia ŭ razy (naprykład, u Hłybockim rajonie ź jaho pierapracoŭkaj małaka prybytak vyras amal u 5 razoŭ).
Niahledziačy na palapšeńnie situacyi ŭ asobnych rajonach, bujny minus Navapołacka pa-raniejšamu «ciahnie» ŭsiu vobłaść u zonu strat.
Vializnyja straty pradpryjemstvaŭ Navapołacka mohuć tłumačacca tolki niahodnymi vynikami pracy naftapierapracoŭčaha zavoda «Naftan» — horadaŭtvaralnaha pradpryjemstva Navapołacka. Sankcyi suprać biełaruskaj naftachimii pieratvaryli hetuju kurycu, jakaja niesła załatyja jajki, u stratnuju śfieru.