Na budoŭli ŭ Minsku ŭpała mabilnaja płatforma z dvuma rabočymi
Pres-słužba MNS paviedamiła pra nadzvyčajnaje zdareńnie na budoŭli ŭ Minsku. Ratavalnikam daviałosia vyzvalać rabočaha z-pad mabilnaj płatformy, jakaja ŭpała z vyšyni.
Skrynšot ź videa
Paśla prybyćcia padraździaleńniaŭ MNS vyśvietliłasia, što adbyłosia padzieńnie mabilnaj pracoŭnaj płatformy z dvuma mantažnikami, jakija znachodzilisia na vyšyni kala 12 mietraŭ.
U vyniku incydenta ruka adnaho rabočaha była zacisnutaja pad mietaličnymi kanstrukcyjami abrynutaj płatformy. Rabotniki MNS vyzvalili mužčynu i pieradali jaho miedykam. Paciarpiełaha špitalizavali.
Druhomu rabočamu dapamoha ŭ debłakavańni nie spatrebiłasia, adnak paśla ahladu bryhadaj chutkaj miedycynskaj dapamohi jon taksama byŭ špitalizavany.