Parašutystka zachrasła na drevie ŭ Małaryckim rajonie
Incydent adbyŭsia siońnia ŭdzień padčas płanavych skačkoŭ z parašutam, jakija ździajśniali členy siekcyi parašutnaha sportu Bresckaha aerakłuba.
Parašutystka i vyratavalniki na drevie. Skrynšot videa
Pra heta paviedamlaje pres-słužba MNS.
Adnu z parašutystak padchapiŭ viecier i zanios u bok lesu. Stropy parašuta začapilisia za dreva, i dziaŭčyna zastałasia visieć na vyšyni kala 12 mietraŭ.
Vyratavalniki pry dapamozie alpinisckaha ryštunku dapamahli spuścić spartsmienku na ziamlu, dzie jaje ahledzieŭ miedrabotnik aerakłuba. Dziaŭčyna nie paciarpieła i ŭ špitalizacyi nie maje patreby.