Jakija mikrarajony Minska samyja darahija?
U I kvartale 2025 hoda ŭ stalicy zarehistravana 3516 ździełak kupli-prodažu kvater. Amal 40% ź ich prypała na kvatery ŭ cenavym dyjapazonie $60—80 tys., a najbolšaja kolkaść ździełak była ździejśniena ŭ Kastryčnickim rajonie Minska, piša Office Life.
Trajeckaje pradmieście
Pavodle danych Nacyjanalnaha kadastravaha ahienctva, usiaho za I kvartał 2025 hoda było pradadziena 180,6 tys. kvadratnych mietraŭ kvater. Ahulnaja suma hetych ździełak — $300,8 młn u ekvivalencie.
-
45% ździełak prypała na adnapakajovyja kvatery;
-
9% — dola novabudoŭlaŭ, absalutnaja bolšaść jakich — adnapakajovyja. Pry hetym bolš za pałovu takich kvater majuć płošču bolš za 44 kvadratnyja mietry, to bok patencyjna mohuć mieć bolšuju kolkaść pakojaŭ;
-
19% kvater — heta kvatery z canoj vyšej za $100 tys. Ich dola z pačatku hoda vyrasła na 3%;
-
na «druhasnym rynku» bolš za ŭsio padaražeŭ kvadratny mietr u adnapakajovych kvaterach: plus $100 i skłaŭ $1810, što źjaŭlajecca rekordam za 10 hadoŭ;
-
u novabudoŭlach macniej za ŭsio padaraželi «dvuški» (plus $80, da $1670 za kvadratny mietr u siarednim).
Bolš za ŭsio ździełak — 656 — ździejśniena ŭ Kastryčnickim rajonie Minska, pry hetym 500 ź ich — u mikrarajonie «Minsk-Śviet».
Dla paraŭnańnia: u Partyzanskim rajonie było pradadziena 121 kvatera, to bok u 5,4 raza mienš.
Bolš za 100 ździełak ździejśniena ŭ piaci mikrarajonach Minska: «Minsk-Śviet», Sucharava, Sierabranka, Malinaŭka, Zialony Łuh.
A dzie samyja darahija kvatery?
Samyja darahija rajony Minska — Centralny i Kastryčnicki, siaredniaja cana za kvadratny mietr u ich pavialičyłasia da IV kvartała prykmietna macniej, čym u inšych rajonach, — na 7%, adznačajuć u NKA.
Top-10 mikrarajonaŭ pa siaredniaj canie kvadratnaha mietra:
- Trajeckaje pradmieście, Asmałoŭka — $2400;
- Centr — $2360;
- Vialikaja Ślapianka — $2270;
- Viaśnianka — $2210;
- Hrybajedava — $2200;
- Majak Minska — $2130;
- Levada — $2130;
- Ramanaŭskaja Słabada — Cetkin — $2100;
- Lebiadziny — $2080;
- Hrušaŭka — $1980.