Na polska-ŭkrainskaj miažy zatrymali biełarusku z padroblenymi štampami
Na polskim prapusknym punkcie Karčova, što na miažy z Ukrainaj u Padkarpackim vajavodstvie zatrymali hramadzianku Biełarusi, u pašparcie jakoj vyjavili padroblenyja štampy ab pierasiačeńni miažy, piša Pamiežnaja słužba Polščy.
Fota: strazgraniczna.pl
Čatyry padroblenyja štampy pamiežnaha kantrolu ŭ žančyny nibyta paćviardžali jaje padarožžy praz pavietranyja punkty propusku ŭ Krakavie i Varšavie i adnačasova lehalizavali jaje praterminavanaje znachodžańnie ŭ krainie.
Fota: strazgraniczna.pl
Paśla vyjaŭleńnia hetaha faktu biełaruscy vystavili abvinavačańnie ŭ vykarystańni falšyvych dakumientaŭ, jakoje jana pryznała i dobraachvotna zhadziłasia na pakarańnie — 6 miesiacaŭ pazbaŭleńnia voli z adterminoŭkaj na adzin hod. Pašpart byŭ kanfiskavany jak dokaz u spravie.