Aŭtobus ź biełarusami pierakuliŭsia pad Varšavaj
Siońnia nočču na raźviazcy tras S2/S79 kala aeraporta Šapena ŭ Varšavie adbyłosia surjoznaje DTZ, piša Reform.news sa spasyłkaj na polskija miedyi.
Fota: OSP Raszyn
Aŭtobus urezaŭsia ŭ aharodžu i pierakuliŭsia. Paciarpieli bolš za 10 čałaviek, jakija znachodzilisia ŭ aŭtobusie. Praź niekatory čas u aŭtamabil vyratavalnikaŭ, što prybyŭ na miesca zdareńnia, urezałasia fura. U hetaj avaryi paciarpieli kiroŭcy hruzavika i aŭtamabila vyratavalnikaŭ.
Jak piša Miejski Reporter, pavodle papiarednich danych, kiroŭca aŭtobusa pa nieviadomych pryčynach straciŭ kantrol nad transpartnym srodkam na pavarocie darohi, urezaŭsia ŭ aharodžu, paśla čaho aŭtobus pierakuliŭsia na bok i ŭrezaŭsia ŭ słup aśviatleńnia. U aŭtobusie znachodzilisia 26 pasažyraŭ. Vydańnie piša, što siarod ich byli hramadzianie Ukrainy, Biełarusi i Rasii. 14 paciarpiełych z aŭtobusa byli dastaŭleny ŭ balnicu.
Paźniej vydańnie napisała ŭ dvuch zdareńniach paciarpieli 17 čałaviek, dvoje ź jakich znachodziacca ŭ ciažkim stanie.
Fota: OSP Raszyn
Aŭtobus vylecieŭ z darohi na krutym pavarocie.
Fota: Miejski Reporter
Fota: Miejski Reporter