Padletak z Puchavičaŭ stvaryŭ złačynnuju hrupu i vymahaŭ hrošy
U milicyju źviarnuŭsia 23-hadovy žychar Červienia i paviedamiŭ, što pad pahrozaj hvałtu byŭ vymušany adkuplacca ad złamyśnikaŭ, paviedamlaje pres-słužba MUS Biełarusi.
Skrynšot ź videa
Paciarpieły raskazaŭ, što kamunikavaŭ u internecie z «dziaŭčynaj». Ale praź niekatory čas z roznych akaŭntaŭ jamu stali pastupać pahrozy źbićcia z patrabavańniami adkupicca. Sumarna paciarpieły addaŭ afierystam vosiem tysiač rubloŭ.
Supracoŭniki padraździaleńniaŭ pa supraćdziejańni kibierzłačynnaści Minščyny ŭstanavili: 17-hadovy žychar Puchavičaŭ stvaryŭ hrupu ŭ miesiendžary, dzie z metaj nažyvy vioŭ intymnuju pierapisku ad imia svajoj 20-hadovaj znajomaj. Pa jaho prośbie jana za płatu zapisvała videa, hałasavyja paviedamleńni, rabiła zvanki. Atrymanyja srodki zmoŭcy pieravodzili na rachunak 18-hadovaha saŭdzielnika.
Ciapier u dačynieńni da traich fihurantaŭ śledčymi raspačatyja kryminalnyja spravy za vymahalnictva. Niepaŭnahadovy padletak pryciahnuty jašče i da kryminalnaj adkaznaści za machlarstva.
Čytajcie taksama:
Psieŭdaelektryki napali na minskaha ajcišnika, katavali jaho i patrabavali bolš za $300 miljonaŭ
Biełarus abmieńvaŭsia intymnymi zdymkami i trapiŭ pad šantaž