Takim my jaho jašče nie bačyli: arcybiskup Kandrusievič vyrabiŭ kryž
1 maja, u Dzień Śviatoha Juzafa ramieśnika, arcybiskup Tadevuš Kandrusievič naviedaŭ katalickuju parafiju ŭ Marjinaj Horcy. Tam ijerarch razam z Ramualdam Stužynskim, jaki doŭhi čas dapamahaŭ roznym kaściołam Biełarusi svajoj pracaj i słužeńniem u jakaści čyrvanadreŭščyka, vyrabili kryž, piša Katolik.life.
Fota ŭ fejsbuku apublikavaŭ ksiondz Alaksandr Ułas
Hety kryž budzie ŭstalavany na mohiłkach, kab słužyć nie tolki simvałam, ale i miescam malitvy i rozdumu dla viernikaŭ, paviedamiła Minska-Mahiloŭskaja archidyjacezija.
Padčas pracy byli vykarystany praktyčna tyja ž ručnyja pryłady, što i ŭ časy Isusa, nadajučy pracesu asablivaje simvaličnaje značeńnie i padkreślivajučy suviaź z tradycyjami stahodździaŭ.
79-hadovy arcybiskup Tadevuš Kandrusievič ciapier prachodzić chimijaterapiju z-za prahresu ankałahičnaha zachvorvańnia, piša kanał.