Siońnia ŭ Minsku projdzie druhaja hienieralnaja repietycyja paradu
Siońnia ŭ Minsku projdzie druhaja hienieralnaja repietycyja vajennaha paradu, pryśviečanaha 80-j hadavinie Pieramohi. Na šerahu vulic abmiažujuć ruch.
Siońnia z 16:50 budzie abmiežavany ruch usich vidaŭ transpartu pa vuł. Zasnavalnikaŭ i vuł. Starynaŭskaj. Z 17:50 abmiežavańni buduć uvodzicca pa maršrucie vuł. Starynaŭskaja — pr. Niezaležnaści — pr. Mašerava.
Z 21:50 dla prachodžańnia miechanizavanaj kałony budzie paetapna ŭvodzicca poŭnaje abmiežavańnie pa maršrucie: pr. Mašerava — vuł. Cimirazieva — vuł. Sapioraŭ — pr. Pieramožcaŭ — vuł. Arłoŭskaja — vuł. Surhanava — pr. Niezaležnaści.
Dla paŭtornaha prachodžańnia na repietycyjach technika miechanizavanaj kałony z vuł. Surhanava budzie pavaročvać naprava na pr. Niezaležnaści i ruchacca pa nazvanym raniej maršrucie.
Pa zakančeńni repietycyj i paradu vyjezd techniki miechanizavanaj kałony ŭ vajenny haradok «Uručča» budzie ažyćciaŭlacca pa maršrucie: pr. Mašerava — vuł. Cimirazieva — vuł. Sapioraŭ — pr. Pieramožcaŭ — vuł. Arłoŭskaja — vuł. Surhanava — pr. Niezaležnaści — vuł. Starynaŭskaja — vuł. Zasnavalnikaŭ.
Ruch techniki ź piešymi raźlikami pačniecca a 18:40. Maršrut ruchu: vuł. Rahačoŭskaja — pr. Niezaležnaści — MKAD (vonkavaje kalco) — pr. Pieramožcaŭ — vuł. Sapioraŭ — vuł. Cimirazieva — pr. Mašerava. Dalej kałona budzie dzialicca i zachodzić na miescy stajanki, arhanizavanyja na vulicach Ihnacienki, Tarchanava, Hvardziejskaj i Hrybajedava.
Viartańnie techniki i piešych raźlikaŭ u punkty pastajannaj dysłakacyi budzie ažyćciaŭlacca pa zakančeńni repietycyj i paradu pa maršrucie: miescy stajanki techniki — pr. Pieramožcaŭ — MKAD (unutranaje kalco) — pr. Niezaležnaści — vuł. Rahačoŭskaja.
U DAI źviarnuli ŭvahu, što ŭ zonie praviadzieńnia trenirovak i na prylehłych da jaje terytoryjach buduć uviedzieny abmiežavańni na prypynak i stajanku transpartnych srodkaŭ.