Pamior historyk i žurnalist Barys Daŭhatovič
Jamu było 90 hadoŭ.
Pamior vieteran žurnalistyki, vajenny historyk Barys Daŭhatovič, piša Biełaruski sajuz žurnalistaŭ.
Jon bolš za paŭstahodździa zajmaŭsia vajennaj historyjaj Biełarusi: vyvučaŭ układ biełaruskaha naroda ŭ Pieramohu, bijahrafii hienierałaŭ, admirałaŭ, Hierojaŭ Savieckaha Sajuza i poŭnych kavaleraŭ ordena Słavy — uradžencaŭ Biełarusi.
Za jaho plačyma było 55 hadoŭ navukova-daśledčaj dziejnaści ŭ vajennaj navucy i žurnalistycy.
Jon ščaśliva pražyŭ sa svajoj žonkaj Julijaj Alaksandraŭnaj bolš za 65 hadoŭ. U jaho 4 dziaciej, 9 unukaŭ i 8 praŭnukaŭ.
Barys Daŭhatovič naradziŭsia 17 červienia 1934 hoda va Ukrainie. Skončyŭ Tbiliskaje vajennaje vučylišča, z 1956 h. słužyŭ na roznych aficerskich pasadach u Biełaruskaj vajennaj akruzie, dasłužyŭsia da pałkoŭnika. Z 2009 hoda byŭ staršym vykładčykam vajskovaj kafiedry BNTU. Byŭ aŭtaram bolš za 20 manahrafij (asabista i ŭ suaŭtarstvie) pa tematycy Druhoj suśvietnaj vajny; kala 200 časopisnych artykułaŭ, šmat hazietnych publikacyj.