Na Homielščynie žycharam, pryznanym «darmajedami», rassyłajuć pozvy ź milicyi
Žychary Homielskaj vobłaści, uklučanyja ŭ śpisy «niezaniatych u ekanomicy», stali atrymlivać listy ź milicyi. U adnym z «apaviaščeńniaŭ ab jaŭcy», pieradadzienym vydańniu «Fłahštok», va ŭltymatyŭnym tonie paznačana, što atrymalniku nieabchodna źjavicca ŭ miascovy RAUS «dla vyrašeńnia pytańnia pracaŭładkavańnia».
Vychavaŭčaja hutarka ź biespracoŭnym. Fota: «Kalinkavickija naviny»
Raniej takija pasłańni «niezaniatym u ekanomicy» nie prychodzili. Usie minułyja hady «darmajedy» atrymlivali tolki listy z prapanovaj paćvierdzić svoj status abo źviarnucca pa dapamohu ŭ pracaŭładkavańni.
Taksama ŭ paviedamleńni havorycca ab nieabchodnaści pryjści ŭ rehijanalnaje ŭpraŭleńnie pa pracy, zaniataści i sacyjalnaj abaronie, a dla paćviardžeńnia zaniataści abo ciažkaj žyćciovaj situacyi prynieści patrebnyja dakumienty ŭ rajonnuju kamisiju pa sadziejničańni zaniataści.
Fota: «Viasna»
U niekatorych vypadkach takija paviedamleńni-pozvy prychodzili hramadzianam, jakija ŭžo 5 i bolš hadoŭ nie žyvuć u Biełarusi i pracujuć za miažoj.
Pry hetym u pačatku apaviaščeńnia havorycca, što praca milicyi pravodzicca ŭ metach «zabieśpiačeńnia vykanańnia kanstytucyjnaha abaviazku hramadzian ab udziele ŭ finansavańni dziaržaŭnych vydatkaŭ šlacham vypłaty padatkaŭ». Choć pavodle navat apošniaj viersii łukašenkaŭskaj Kanstytucyi praca źjaŭlajecca pravam čałavieka, a nie abaviazkam.
Raniej «Fłahštok» paviedamlaŭ, što ŭ Homielskaj vobłaści stali pravodzić prymusovyja «kirmašy vakansij» na bazie adździełaŭ milicyi.
Čytajcie taksama:
U śvietłahorskich siłavikoŭ na ścianie visić sapraŭdny «ikanastas» z partretami čynoŭnikaŭ FOTAFAKT
Pa Minsku buduć praviarać «darmajedaŭ» i tych, chto pracuje za miažoj
«Nu i kudy mnie, prybiralščycaj?» Maładaja maci nie moža znajści pracu paśla treciaha dekretu