Ziankovič pra Vieramiejčyka: Užyvali fizičny hvałt, kab prymusić jaho skazać na BT toje, što chočuć pačuć
Były palitźniavoleny Juraś Ziankovič raspavioŭ «Našaj Nivie», što pierad vyzvaleńniem pravioŭ 4 miesiacy ŭ SIZA KDB u adnoj kamiery z eks-kalinoŭcam Vasilom Vieramiejčykam.
Ziankovič kaža, što vielmi pavažaje Vasila Vieramiejčyka jak sumlennaha, adkrytaha i śmiełaha čałavieka. Pa jaho słovach, Vasil nie złamaŭsia i trymajecca mužna.
«Toje, što jon havaryŭ u «intervju» — heta vymušana. Kab prymusić jaho skazać toje, što chočuć pačuć betešniki, da jaho ŭžyvali fizičny hvałt. Pakolki supraciŭlacca asabliva sensu nie było, jon pad hvałtam skazaŭ toje, što skazaŭ», — kaža Ziankovič.
Čytajcie:Padčas «intervju» na BT Vieramiejčyk sprabavaŭ patłumačyć Hładkaj rolu Kalinoŭskaha. «My, kaniečnie, vyrazali»
«Nie viercie tamu, što pakazvaje prapahanda: hetyja ŭsie intervju robiacca pad pahrozaj hvałtu. I samaje hałoŭnaje. Viaźniam — nie tolki palityčnym, ale i inšym chto siadzić bieź viny (naprykład, biznesoŭcy, u jakich patrabujuć hrošy ŭ abmien na vyzvaleńnie) vielmi važnaja hramadskaja salidarnaść. Navat kali nie dachodziać listy, my ŭsio adno adčuvajem padtrymku ludziej. Hałoŭnaja zadača hramadstva — heta dabicca vyzvaleńnia niespraviadliva asudžanych», — adznačaje były palitviazień
Čytajcie taksama:
«Ja adčuła palohku». Žonka eks-kalinoŭca Vieramiejčyka prakamientavała źliŭ pierapiski Kabančuka