DAI pačnie zakryvać aŭtaškoły za drennyja vyniki vučniaŭ
Pavodle źviestak DAI, tolki treciaja častka kandydataŭ u vadzicieli paśpiachova zdaje praktyčny ekzamien ź pieršaha razu. Astatnija prychodziać na aŭtadrom dva—try razy, pierš čym atrymajuć pravy.
«Heta značyć, što vypuskniki aŭtaškoł nie hatovyja da realnaj darožnaj abstanoŭki», — kanstatavaŭ Rotčankaŭ, jakoha cytuje hazieta «Na stražie».
MUS prapanuje:
- uviadzieńnie vyraznych kryteraŭ dla acenki pracy aŭtaškoł;
- pazbaŭleńnie siertyfikata adpaviednaści tych navučalnych centraŭ, što sistematyčna «štampujuć» niepadrychtavanych kiroŭcaŭ;
- pavieličeńnie kolkaści hadzin praktyčnaha kiravańnia;
- ukaranieńnie sučasnych trenažoraŭ i simulataraŭ u vučebny praces.
Kankretnyja prapanovy pa reformie padrychtoŭki kiroŭcaŭ pavinny pastupić va ŭrad da kanca treciaha kvartała.
U Biełarusi štohod fiksujuć sotni DTZ pa vinie kiroŭcaŭ sa stažam mienš za dva hady. U MUS pierakananyja: pavyšeńnie standartaŭ navučańnia dapamoža źnizić hetuju statystyku.
Čytajcie taksama:
Ź pieršaj sproby ispyt u DAI zdajuć 30 pracentaŭ
Kubrakoŭ daručyŭ acanić, ci nie zanadta składany ciapier ekzamien na pravy kiroŭcy
Ci možna atrymać pravy kiroŭcy, kali byŭ pacyjentam psichaterapieŭta? Nie ŭsio tak prosta