«Kibierpartyzany»: My nie viedajem, adkul u «Palityki» infarmacyja pra Mielnikavu
Biełaruskaja chaktyvisckaja hrupa «Kibierpartyzany» nie viedaje, na jakoj padstavie žurnalisty polskaha vydańnia «Palityka» zrabili vysnovu pra źniknieńnie z rachunku fundacyi «Bialorus liberty» 118 tysiač jeŭra. Pra heta jany paviedamili Reform.news.
«My nie viedajem, adkul u ich takaja infarmacyja. Na dadzieny momant rychtujem svoj spravazdačny dakumient pa situacyi z rachunkam, na dniach apublikujem — sačycie za navinami na našym kanale», — raspaviali pradstaŭniki «Kibierpartyzan».
6 maja 2025 hoda na sajcie polskaha vydańnia «Palityka» vyjšła rasśledavańnie «Zniknięcie Anżeliki». Jaho aŭtary — palak Pavieł Raška i rasijanie Cimúr Aleŭski i Jaŭhienija Tamarčanka — śćviardžali, što źniknieńnie Anžaliki Mielnikavaj moža być źviazana z hrašyma, jakija byli na rachunku fundacyi Bialorus liberty.
«Mahčyma, usio źviazana z hrašyma. 12 sakavika na rachunak jaje fondu pastupili bujnyja hrantavyja srodki. Nieŭzabavie jany byli abnajaŭleny. Ahulnaja suma — 118 tysiač jeŭra», — havorycca ŭ artykule.
Čytajcie taksama:
Z Łondana Mielnikava vylecieła na Šry-Łanku, u jaje byŭ kachanak spartovaha vyhladu ź Biełarusi
Polityka pra źnikłyja hrošy KR: Ahułam byli źniatyja 118 tysiač jeŭra
Novy kiraŭnik fondu Mielnikavaj moža atrymać dostup da rachunkaŭ ciaham niekalkich tydniaŭ
Novym śpikieram Kaardynacyjnaj rady, chutčej za ŭsio, stanie Arciom Bruchan