Arkadź Dobkin syšoŭ z kiraŭnictva JERAM? Imavierna, heta farmalnyja pierastanoŭki
Biznesmien farmalna źmianšaje svoj udzieł u apieracyjnym kiravańni EPAM, pry hetym atrymlivaje prava ŭmiašańnia ŭ spravy kampanii, budučy na pazicyi executive chairman u dyrektarskaj radzie. Heta padobna da finta dla amierykanskaha rynku.
Arkadź Dobkin
Zamiena Arkadzia Dobkina na Bałaža Fieješa na čale JERAM adbyvajecca na fonie dramatyčnaha prasiadańnia akcyj kampanii, jakija z pačatku hoda stracili ŭ canie 30,5%. Choć JERAM pakazvaje narmalnyja, navat trochu vyšej za płanavanyja, finansavyja vyniki, prahnazisty i analityki amierykanskaha finansavaha rynku ŭ asnoŭnym čakajuć dalejšaha padzieńnia kacirovak kampanii.
Siońnia adna akcyja JERAM kaštuje $159 — heta ŭzrovień lutaha 2019 hoda, u toj čas jak mnohija inšyja technałahičnyja lidary amierykanskaha rynku za hetyja hady kratna pamnožyli svaje acenki na rynku.
U hetych umovach adbyłasia zamiena SIEO — niepasrednaha apieracyjnaha kiraŭnika kampanii.
Kaniečnie, mahčyma, što Arkadź Dobkin prosta stamiŭsia ad apieracyjnaha kiravańnia kampanijaj i vyrašyŭ zasiarodzicca na stratehičnych pytańniach. Ź inšaha boku, vielmi imavierna, što šmathadovaha kiraŭnika kampanii Dobkina «para było» zvolnić pad ciskam mažarytarnych akcyjanieraŭ, kab palepšyć pazicyi JERAM na fondavym rynku (samomu Dobkinu naležyć nievialikaja častka akcyj kampanii, sam jon, jak i mažarytaryi, taksama ad pačatku hoda «pabiadnieŭ» na 30%).
Kali vieryć sajtu EPAM, Arkadź Dobkin da taho ž byŭ Chairman of the Board — kiraŭnikom dyrektarskaj rady z nahladnaj funkcyjaj. Ciapier ža, paśla svajoj adstaŭki z pasady SIEO, sama nazva pasady ŭ dyrektarskaj radzie stała hučać inačaj. U pres-relizie skazana, što Arkadź Dobkin stanie executive chairman. Heta aznačaje, što ŭ jaho nie źnikaje prava na ŭmiašalnictva ŭ apieracyjnyja spravy kampanii.
Top-mieniedžaraŭ kampanii zdymaje i pryznačaje dyrektarskaja rada, kudy trymalniki akcyj pryznačajuć svaich pradstaŭnikoŭ. Pa sutnaści Dobkin zvolniŭ sam siabie.
Čytajcie taksama:
Arkadź Dobkin pakidaje pasadu CEO EPAM
Apublikavany novy top-100 samych paśpiachovych biznesmienaŭ Biełarusi