Zatrymali brata Ihara Łosika
Zatrymali Mikitu Łosika, paviedamlaje fond «Kraina dla žyćcia».
Mikita Łosik. Fota: Ukantakcie
Nibyta heta zdaryłasia jašče ŭ siaredzinie krasavika, i ciapier jon źniavoleny.
Krynicy «Našaj Nivy» paćviardžajuć zatrymańnie chłopca. Apošni raz jon byŭ anłajn 11 krasavika.
Chłopiec žyŭ u Oršy.
Pavodle infarmacyi Radyjo Svaboda, Mikitu Łosika vinavaciać u «sadziejničańni ekstremisckaj dziejnaści» za nibyta pierasyłku niekalkich fota pierasoŭvańnia vajskovaj techniki ŭ 2022 hodzie telehram-kanału «Biełaruski hajun». Suprać jaho zaviali kryminalnuju spravu. Mikitu Łosika ŭtrymlivajuć u Viciebskim SIZA.
Mikita Łosik. Fota: Ukantakcie
Ihar Łosik — biełaruski žurnalist i błohier, palitźniavoleny. Jaho zatrymali jašče da vybaraŭ u 2020 hodzie i asudzili na 15 hadoŭ.