Tramp: Indyja i Pakistan damovilisia ab poŭnym spynieńni ahniu
Prezident ZŠA Donald Tramp u svajoj sacsietcy Truth paviedamiŭ, što heta adbyłosia paśla «doŭhaj nočy pieramoŭ z pasiarednictvam Złučanych Štataŭ». Heta ž paćvierdziŭ i načalnik MZS Pakistana.
Donald Tramp. Fota: Joe Raedle / Getty Images
Tramp abjaviŭ ab spynieńni ahniu pamiž Indyjaj i Pakistanam i pavinšavaŭ krainy.
Skrynšot paviedamleńnia Trampa ŭ Truth
«Paśla doŭhaj nočy pieramoŭ z pasiarednictvam Złučanych Štataŭ ja rady abjavić, što Indyja i Pakistan damovilisia ab poŭnym i nieadkładnym spynieńni ahniu. Vinšujem abiedźvie krainy z tym, što jany prajavili zdarovy sens i vysoki intelekt. Dziakuj vam za vašu ŭvahu da hetaha pytańnia!», — napisaŭ jon.
Indyja hetu zajavu pakul aficyjna nie kamientavała. Hłava MZS Pakistana paćvierdziŭ, što krainy damovilisia pra nieadkładnaje spynieńnie ahniu.