Upieršyniu za try hady ŭ Minsku paśviacili katalickaha śviatara

U minskim kafiedralnym kaściole 10 maja dyjakan Alaksandr Šymanski pryniaŭ śviatarskaje paśviačeńnie, jakoje ŭdzialiŭ arcybiskup Juzaf Stanieŭski, paviedamlaje Katolik.life. 

Novamu śviataru 35 hadoŭ. Jon mahistr teałohii, pachodzić ź Minska. Skončyŭ histfak BDU, pracavaŭ, słužyŭ u vojsku, zatym vyrašyŭ stać ksiandzom i pastupiŭ u Hrodzienskuju sieminaryju, jakuju skončyŭ u 2024 hodzie.

Apošni raz u kafiedralnym kaściole Minska śviatarskaje paśviačeńnie adbyvałasia čatyry hady tamu. A ŭvohule ŭ Minsku — amal try hady tamu.

U 2021 hodzie ŭ kafiedralnym kaściole pryniaŭ śviatarskaje paśviačeńnie Juryj Rašatko. Ciapier hety ksiondz słužyć biełaruskaj supolnaści ŭ Krakavie.

U 2022 hodzie ŭ kaściole śviatoha Jana Chryściciela byŭ paśviečany Mark Najdzič. Što stała ź im — z adkrytych krynic nieviadoma. Dziŭna, ale paśla celebracyi prymicyjnaj imšy jon nie ŭzhadvajecca ni na jakich resursach. Jahonaja staronka ŭ sacsietcy vydalenaja.

Kamientary da artykuła