U Sibiry zaharełasia i abrynułasia buravaja vyška «Biełarusnafty»
Paciarpieli troje čałaviek, a škoda moža aceńvacca ŭ miljony dalaraŭ.
Nadzvyčajnaje zdareńnie zaŭvažyła vydańnie «Fłahštok».
Pa infarmacyi buravoj kampanii «NUBK», pažar na buravoj vyšcy na radoviščy «Charapurnaftahazu», dzie viała pracy kampanija «Biełarusnafta-Sibir», pačaŭsia 10 maja ŭ 23:25 pa miascovym časie i praciahvaŭsia ŭsiu noč. Pryčynaj incydentu stała ŭzharańnie hazu, jaki pastupaje praź śvidravinu.
Uzharańnie dahetul nie ŭdałosia całkam likvidavać — na miescy praciahvajuć hareć dva fakieły vyšynioj kala 25 mietraŭ.
U vyniku paciarpieli troje čałaviek. Paciarpiełyja znachodziacca ŭ reanimacyi ŭ ciažkim stanie.
Košt takoj buravoj vyški, jak źviartaje ŭvahu vydańnie, składaje 10-30 młn dalaraŭ.
«Biełarusnafta-Sibir» zajmajecca śvidravańniem, kapitalnym ramontam raźviedvalnych i ekspłuatacyjnych śvidravin na paŭvostravie Jamał. Bolšaść piersanału, jaki pracuje vachtavym mietadam, źjaŭlajucca hramadzianami Biełarusi.
«Biełarusnafta» pakul nie prakamientavała zdareńnie.