U Vyhałavičach śviatar ašalavaŭ sajdynham staruju kaplicu
Raniej toj ža śviatar zrabiŭ anałahičny «jeŭraramont» na Kniahininskaj carkvie — jon byŭ pryznany niezakonnym.
Kaplica na mohiłkach u Vyhałavičach paśla «jeŭraramontu». Fota: telehram-kanał «Naračanščyna | Naračanski kraj»
Radykalnyja źmieny ŭ vyhladzie ścipłaj mohiłkavaj kaplicy ŭ Vyhałavičach Miadzielskaha rajona zaŭvažyŭ telehram-kanał «Naračanščyna | Naračanski kraj»
Draŭlanaja kaplica na miascovych mohiłkach, vidać, była pabudavanaja ŭ pačatku XX stahodździa i zachoŭvała svoj aŭtentyčny askietyčny, ale atmaśfierny vyhlad až da minułaha hoda.
Z hadami ŭ kaplicy prasieŭ padmurak, zhnili nižnija viancy i pačała praciakać stracha, tamu ŭ 2024 hodzie nastajaciel Kniahininskaj carkvy prapanavaŭ adramantavać kaplicu, z čym viaskoŭcy pahadzilisia.
Mohiłkavaja kaplica ŭ Vyhałavičach u 2023 hodzie. Fota: Wikimedia Commons
U vyniku na chramie, jaki arhanična ŭpisvałasia ŭ asiarodździe, śviatar pravioŭ taki «jeŭraramont», što jon staŭ vyhladać dosyć tanna i čužarodna dla miesca pamiaci.
Ścieny byli ašalavanyja kruhlavym sajdynham pad dreva, źniščany pryčołak, fasad staŭ absalutna płoskim, u voknach źjavilisia škłopakiety, dach nakryty sinim mietałaprofilem, a pasiaredzinie jahonaha kańku pastaŭlena załataja hłaŭka-cybulina.
Za adno na mohiłkach śpiłavali apošnija drevy.
Aŭtentyčnyja detali, źniščanyja ramontam. Fota: Hłobus Biełarusi
Aŭtentyčnyja detali, źniščanyja ramontam. Fota: Hłobus Biełarusi
Da 2020 hoda toj ža śviatar ašalavaŭ draŭlanym sajdynham Śviata-Troickuju carkvu ŭ Kniahininie i ŭstaviŭ zamiest draŭlanych voknaŭ škłopakiety. Ministerstva kultury paličyła, što hetyja raboty, praviedzienyja na historyka-kulturnaj kaštoŭnaści, źjaŭlajucca niezakonnymi.