Biełaruś atrymaje pieršuju paru źniščalnikaŭ SU-30SM2 u kancy maja
Biełaruskija vajenna-pavietranyja siły ŭ mai 2025 hoda atrymajuć pieršuju paru źniščalnikaŭ Su-30SM2, paviedamlaje STB.
Fota: Minabarony Rasii
U paradzie, jaki prajšoŭ u Minsku 9 maja, udzielničali rasijskija źniščalniki Su-30SM. A nieŭzabavie biełaruskaja armija atrymaje novyja Su-30SM2.
«My litaralna ŭ bližejšy čas, navat u kancy maja, atrymajem užo pieršuju paru Su-30SM-2. Samaloty bolš udaskanalenyja, majuć sučasnuju avijoniku», — skazaŭ kamandujučy VPS i vojskami SPA Uzbrojenych sił Andrej Łukjanovič.
Jon udakładniŭ, što ŭ hetych samalotaŭ mahčymaści zusim inšyja, u tym liku prymianieńnie avijacyjnych srodkaŭ paražeńnia.