Zatrymanyja ŭdzielniki schiemy «Alo, mama!», u tym liku niepaŭnaletni
U milicyju źviarnuŭsia minčuk, 77-hadovuju maci jakoha padmanuli telefonnyja ašukancy. Piensijanierka pieradała kurjeru bolš za 120 tysiač rubloŭ źbieražeńniaŭ dla «vyratavańnia» syna, paviedamlaje pres-słužba MUS.
Apieratyŭniki ŭstanavili asoby i zatrymali ŭsich pamočnikaŭ machlaroŭ. Pasylnymi akazalisia dvoje pinčan 17 i 18 hadoŭ. Pa ŭkazańni kuratara jany pryjechali ŭ stalicu na pieršaje «zadańnie».
Zabraŭšy hrošy, spakavali ich u skrynku z-pad abutku i adpravili praz słužbu dastaŭki. Svoj hanarar patracili na kuplu hadžetaŭ i adzieńnia.
Nastupnym źvianom u złačynnym łancužku akazałasia 20-hadovaja studentka staličnaha kaledža. Dziaŭčyna atrymała pasyłku i pieradała najaŭnyja 53-hadovamu minčaninu, jaki abmianiaŭ ich na kryptavalutu i adpraviŭ arhanizataram schiemy.
Śledčymi zaviedzienyja kryminalnyja spravy.