U Hrodnie zaŭčasna pamior doktar-akušer Tadevuš Drabovič
Jamu było 59 hadoŭ.
9 maja na 59-m hodzie žyćcia raptoŭna pajšoŭ z žyćcia Tadevuš Vitoldavič Drabovič, doktar-akušer-hiniekołah rodavaha adździaleńnia Hrodzienskaha abłasnoha kliničnaha pierynatalnaha centra, piša newgordno.by.
Svoj prafiesijny šlach Tadevuš Vitoldavič pačaŭ u 1994 hodzie ŭ Dziatłaŭskaj CRB, a z 1996 hoda pracavaŭ u Hrodzienskim abłasnym radzilnym domie (Hrodzienski abłasny kliničny pierynatalny centr).
Vializnuju rolu Tadevuš Vitoldavič unios u pracu adździaleńnia płanavaj i ekstrannaj kansultatyŭnaj dapamohi (sanavijacyi), dzie akazvaŭ dapamohu i ratavaŭ pacyjentaŭ Hrodzienskaj vobłaści.
U 2025 hodzie jon staŭ pieramožcam abłasnoha etapu konkursu «Doktar hoda Respubliki Biełaruś»-2024 u naminacyi doktar-akušer-hiniekołah.