Jak za hod źmianilisia ceny na nieruchomaść u bujnych haradach. Stalica nie ŭ lidarach rostu
Pahladzieli, jak vyhladaje situacyja z kvaterami ŭ Minsku i abłasnych haradach.
Minsk
Pavodle realnych ździełak, siaredniaja cana kvadrata ŭ stalicy ŭ krasaviku 2025 hoda skłała 1686 dalaraŭ.
Roŭna hod tamu było 1484 dalary. Takim čynam realny košt mietra ŭ Minsku za hod vyras na 13,6%.
Fota: skrynšot z sajta realt.by
Kala hladzieć na ceny ŭ pierśpiektyvie apošnich 10 hadoŭ, to viasnoju 2014 hoda kvadrat u Minsku kaštavaŭ i daražej — u siarednim krychu bolš za 1700 dalaraŭ.
Brest
Siarod abłasnych centraŭ samaja darahaja nieruchomaść u Breście. Tam siaredni košt kvadrata ŭ krasaviku 2025 hoda skłaŭ 1052 dalary. Hod tamu mietr u Breście kaštavaŭ 889 dalaraŭ. Heta plus 18,3% za hod.
Fota: skrynšot z sajta realt.by
Admietna, što ŭ lutym mietr u Breście byŭ jašče daražejšy — pa 1077 dalaraŭ, pabiŭšy rekord sakavika 2014 hoda, kali siaredniaja cana mietra ŭ horadzie pavodle realnych ździełak składała 1061 dalar.
Viciebsk
U Viciebsku ceny za hod amal nie źmianilisia. Kali ŭ krasaviku 2025 hoda kvadrat pavodle realnych ździełak kaštavaŭ 756 dalaraŭ, to hod tamu było 739 dalaraŭ. Heta ŭsiaho +2,3% za hod.
Fota: skrynšot z sajta realt.by
A ŭ dziesiacihadovaj pierśpiektyvie kvadrat u Viciebsku naohuł patańnieŭ na 30%. U sakaviku 2014 hoda mietr u Viciebsku pradavaŭsia pa $1076.
Homiel
Hety abłasny centr staŭ rekardsmienam pa tempach rostu cany kvadrata za apošni hod.
Pa vynikach krasavika 2025 hoda mietr u Homieli kaštavaŭ 835 dalaraŭ. Hod tamu było 695 dalaraŭ. Rost skłaŭ +20,1%.
Fota: skrynšot z sajta realt.by
A voś u paraŭnańni ź viasnoju 2014 hoda atrymlivajecca, što siaredni košt mietra ŭ Homieli straciŭ amal 20%. Na piku, u sakaviku 2014 hoda, kvadrat pradavaŭsia pa 1032 dalary.
Hrodna
U hetym abłasnym centry kvadrat u krasaviku pavodle realnych ździełak pradavaŭsia pa 813 dalaraŭ. U anałahičny pieryjad letaś siaredni košt kvadrata ŭ Hrodnie składaŭ $716. Za hod mietr u Hrodnie dadaŭ 13,5%.
Fota: skrynšot z sajta realt.by
Adnak dziesiać hadoŭ tamu, viasnoju 2014-ha, nieruchomaść u Hrodnie pradavałasia amal za 1000 dalaraŭ. Takim čynam, kvadrat u Hrodnie za apošnija dziesiać hadoŭ patańnieŭ amal na 28%.
Mahiloŭ
U hetym abłasnym centry kvadrat u krasaviku pavodle realnych ździełak pradavaŭsia pa 845 dalaraŭ. U anałahičny pieryjad letaś siaredni košt kvadrata ŭ Mahilovie składaŭ 690 dalaraŭ. Za hod mietr u Mahilovie dadaŭ 14,8%.
Fota: skrynšot z sajta realt.by
Dziesiać hadoŭ tamu, viasnoj 2014 hoda, nieruchomaść u Mahilovie pradavałasia daražej — pa 950 dalaraŭ za mietr. Atrymlivajecca, što kvadrat u Mahilovie za apošnija dziesiać hadoŭ straciŭ 11%.
{DONATE_PAYPAL}