Łatvija madernizuje prapuskny punkt «Paternijeki» na miažy ź Biełaruśsiu
Łatvija źbirajecca abnavić try pamiežnyja punkty — «Paternijeki» na miažy ź Biełaruśsiu (nasuprać biełaruskaha punktu «Hryharoŭščyna»), a taksama «Hrabniova» i «Cierachava» na miažy z Rasijaj. Pra heta paviedamili ŭ Łatvijskaj pamiežnaj słužbie.
Fota: Dinija Jemeļjanova/Latvijas Televīzija
Ramont i budaŭničyja raboty płanujuć pravodzić u 2026—2028 hadach. Padčas madernizacyi pierabudujuć administracyjnyja budynki, inžyniernyja sistemy i ŭsiu nieabchodnuju infrastrukturu, a taksama ŭźviaduć novyja pamiaškańni.
U «Paternijekach» madernizacyja zakranie budynki ahulnaj płoščaj bolš za 3400 kvadratnych mietraŭ i terytoryju prykładna ŭ 5000 kvadratnych mietraŭ. Uvieś prajekt abydziecca prykładna ŭ 13 miljonaŭ jeŭra.
Jak adznačaje kampanija «Dziaržaŭnaja nieruchomaść» (VNI), ciapierašniaja infrastruktura hetych punktaŭ nie adpaviadaje sučasnym patrabavańniam biaśpieki, enierhaefiektyŭnaści i pracy na miažy. Abnaŭleńnie dazvolić pavysić ich efiektyŭnaść, palepšyć prapusknuju zdolnaść i ŭzmacnić biaśpieku miažy.
Čytajcie taksama:
Pierasiakać miažu Biełarusi z Łatvijaj možna budzie tolki aŭtatranspartam
Łatvija ŭčora zakryvała miažu ź Biełaruśsiu praz natoŭp mihrantaŭ
Biełarusa nie puścili ŭ Łatviju «pa mierkavańniach biaśpieki»