Šlopancy na abcasie — hałoŭny trend abutku viasny i leta 2025

Tyja samyja plažnyja šlopancy, jakija my pryzvyčailisia nasić na adpačynku, viartajucca — ale ŭžo ŭ novym, vytančanym vyhladzie.

Fota: Jeremy Moeller / Getty Images

Jašče niadaŭna šlopancy asacyjavalisia vyklučna z moram, soncam i šortami. Ale zaraz, dziakujučy novaj chvali minimalizmu i modzie na «cichuju raskošu», jany stali klučavym elemientam paŭsiadzionnaha harderoba.

Fota: Edward Berthelot / Getty Images

U siezonie viasna-leta 2025, jak piša InStyle.de, na vulicach modnych stalic usio čaściej źjaŭlajucca Flip Flop Heels — šlopancy na abcasie. My ŭžo bačyli padobny abutak u pačatku 2000-ch — tady jaho nasili znakamitaści nakštałt Perys Chiłtan. Ciapier takija šlopancy znoŭ u modzie, ale ŭ bolš vytančanym vykanańni: vuzkija skuranyja papružki, akuratny nievysoki abcas i elehantnyja formy.

Fota: Edward Berthelot / Getty Images

U adroźnieńnie ad kłasičnych plažnych šlopancaŭ, novaja viersija vyhladaje bolš vytančana i doraha. Navat u prostym vobrazie taki abutak nadaje adčuvańnie pradumanaści i stylu. Madeli byvajuć z šyrokimi i vuzkimi ramieńčykami, na vysokim ci nizkim abcasie, u bazavych kolerach ci jarkich adcieńniaŭ.

Fota: Jacopo M. Raule / Getty Images

Jak nasić šlopancy na abcasie ŭ 2025 hodzie

Hałoŭnaja pieravaha hetaha abutku — univiersalnaść: Flip Flop Heels lohka ŭpisvajucca ŭ paŭsiadzionnyja vobrazy. Asabliva efiektna jany hladziacca ź biermudami — džynsavymi, ź lohkich tkanin abo ŭ styli karha. U spałučeńni z topam, što ščylna ablahaje cieła, razam z łakaničnymi aksiesuarami jany stvarajuć lohki, harmaničny vobraz.

Fota: bershka.com

Pakolki nievialiki abcas vizualna padaŭžaje nahu, vydatnym varyjantam stanie spałučeńni takoha abutku z kapry i kašulaj aviersajz — asabliva kali vybrać kašulu ŭ kletku, jakaja znoŭ viarnułasia ŭ modu. A ŭ prachałodnaje nadvorje vydatnym rašeńniem stanuć šyrokija mieškavatyja džynsy, jakija źlohku nakryvajuć abutak.

Kamientary da artykuła