U Babrujsku dzieci ledź nie trapili pad aŭto na pierachodzie VIDEA
Na adnym ź piešachodnych pierachodaŭ Babrujska niaŭvažlivaja kiroŭca nie prapuściła dziaciej, paviedamlaje Mogilev.online. Na ščaście, abyšłosia bieź ludskich achviar.
Skrynšot ź videa
Na videa z rehistratara susiedniaj mašyny možna nazirać, jak adzin za adnym pa vulicy Ardžanikidze ruchajucca lehkavy aŭtamabil i mikraaŭtobus.
Kiroŭca apošniaha ŭbačyŭ na nierehulavanym piešachodnym pierachodzie dziaciej i spyniŭsia ŭ pieršaj pałasie. Lehkavik ža praciahnuŭ ruch. Jon, źlohku prycisnuŭšy haz, abahnaŭ mikraaŭtobus pa druhoj pałasie.
Na ščaście, dzieci išli pavolna, tamu cudam udałosia paźbiehnuć achviar.
Vyśvietliłasia, što za rulom aŭtamabila Ford była 41-hadovaja žycharka Babrujska. Dziaciej jana nie prapuściła pa niaŭvažlivaści.
Za heta na žančynu skłali pratakoł za stvareńnie avaryjnaha stanovišča. Jaje pazbavili pravoŭ na paŭtara hoda. Da taho ž babrujčancy daviadziecca zapłacić 10 bazavych adzinak štrafu, ci 420 rubloŭ.