PVK «Vahnier» mohuć z Afryki pieravieści ŭ Biełaruś
PVK «Vahnier» rychtujecca da poŭnaha vychadu z Afryki letam 2025 hoda.
Ilustracyjnaje fota. AP Photo
Jak stała viadoma VČK-OHPU, najomnikam z PVK «Vahnier» paviedamili, što kančatkovy vychad kantynhientu kampanii z Afryki namiečany na červień—lipień 2025 hoda. Raniej imi była «zdadziena» Siryja, a ŭ CAR i Mali «muzykantaŭ» razbavili siłami śpiecyjalna stvoranaha ŭ Minabarony Rasii padraździaleńnia «Afrykanski korpus».
Da Novaha hoda ŭ PVK «Vahnier» nabirali najomnikaŭ navat biez dośviedu, a z studzienia 2025 hoda tolki tych, chto ŭžo zaklučaŭ kantrakt z kampanijaj.
PVK «Vahnier» ź niadaŭnich časoŭ uznačalvaje były śpiecnazaviec HRU Dźmitryj Padolski z pazyŭnym «Salem». Jon zamianiŭ inšaha skampramietavanaha kamandzira Antona Jelizarava, jaki nasiŭ pazyŭny «Łotas».
Zusim niadaŭna, 1 maja, «Salem», jaki zajmaje aficyjnuju pasadu daradcy prezidenta CAR, vystupaŭ u Ruskim domie ŭ Banhi (stalica Centralna-Afrykanskaj Respubliki) z nahody 11-j hadaviny PVK «Vahnier» z zaklikam šanavać zapaviety zasnavalnikaŭ kampanii Jaŭhiena Pryhožyna i Dźmitryja Utkina.
Adnak, pavodle źviestak surazmoŭcy VČK-OHPU, užo ŭ najbližejšy čas PVK «Vahnier» budzie vymušana całkam pieradać spravy i pakinuć Afrykanski kantynient.
Najomnikam na słovach abiacajuć bazavańnie ŭ Biełarusi, ale pakul jakich-niebudź paćviardžeńniaŭ hetamu niama, piša VČK-OHPU.