Da 3 hadoŭ kałonii asudzili kiroŭcu aŭtobusa praz DTZ, u jakim paciarpieli 52 čałavieki
Sud Zavodskaha rajona Minska pryznaŭ kiroŭcu aŭtobusa «Minsktrans» vinavatym u parušeńni PDR (častka 2 art. 317 KK), paviedamiła Hienprakuratura.
Nastupstvy DTZ. Fota: abw.by
Jak piša pres-słužba Hienprakuratury, zdareńnie adbyłosia ŭ krasaviku 2024 hoda. 56-hadovy kiroŭca minskaha aŭtobusa «Sokał — aŭtastancyja «Aŭtazavodskaja»» ruchaŭsia pa Śmiłavickamu traktu. Na paŭchviliny jon vyjechaŭ na inšuju pałasu — tam sutyknuŭsia z furaj Volvo.
U vyniku DTZ 52 pasažyry aŭtobusa atrymali paškodžańni, pry hetym u vaśmi ź ich byli ŭstanoŭleny ciažkija cialesnyja paškodžańni, u adnaho — ciažkija i mienš ciažkija.
Kiroŭcu naznačyli 3 hady kałonii i na 5 hadoŭ zabaranili kiravać transpartam.