Łondan i Bierlin raspracujuć zbroju dla «hłybokaha dakładnaha ŭdaru»
Vialikabrytanija i Hiermanija sumiesna raspracujuć novuju zbroju «hłybokaha dakładnaha ŭdaru» z dalnaściu dziejańnia bolš za 2000 kiłamietraŭ, piša Deutsche Welle.
Barys Pistoryus. Fota: Geert Vanden Wijngaert / AP
Prajekt zasnavany na abaviazalnictvie, pryniatym letaś u miežach dvuchbakovaha abaronnaha pakta ad kastryčnika 2024 hoda. Łondan i Bierlin padkreślivali nieabchodnaść taho, kab Jeŭropa mahła abaranić siabie va ŭmovach mahčymaj eskałacyi vajny va Ukrainie. Dakumient, u pryvatnaści, praduhledžvaje «abaronu ŭschodniaha fłanhu NATA, likvidacyju prabiełaŭ u patencyjale, palapšeńnie apieratyŭnaj sumiaščalnaści i dalejšuju padtrymku Ukrainy».
Ministr abarony Vialikabrytanii Džon Chili i kiraŭnik abaronnaha viedamstva FRH Barys Pistoryus abvieściać pra zapusk prajekta ŭ Bierlinie.
U Łondanie nie ŭdakładnili terminy realizacyi inicyjatyvy ci jaje biudžet. Čakajecca, što ministry taksama abmiarkujuć sumiesnyja zakupki tarpied dla marskich patrulnych i raźviedvalnych samalotaŭ i abvieściać pra ździełku pa zakupcy Hiermanijaj vajennych mastoŭ brytanskaj vytvorčaści.